ফুলৰ সুকোমলতাত কাঁইটৰ বিষ - Assamese poem by Deepika Das.

নিয়ৰসিক্ত ৰজনীগন্ধাৰ কোমল চুপহি
তাতেই যেন নিবিৰে সংগোপনে
মধুৰ আলিংগন
জোনাকীৰ মিঠা মৃদু চুম্বন
জোনাকৰ সমীৰে দিয়ে অবুজ শিহৰণ

ফুলৰ সুকোমলতাত যেন
কাঁইটৰ বিষ
গহীন বাস্তৱৰ বুকুত
স্মৃতিৰ কান্দোন
অনামী চিন্তন মোৰ
জীয়া সপোনৰ স্পন্দন

বুকুৰ ভিতৰত শুনো
অশান্তিৰ কাতৰ ক্ৰন্দন
তৃপ্তি নাই শান্তি নাই
কেৱল অশান্তিৰ গধুৰ বোজা

জীৱন সংগ্ৰামৰ ঢৌত
হস্তলেখা ফাগুন ৰঙা ইতিহাস
দুখৰ নদীৰ তৰংগায়িত হৃদয়ত যেন
জীৱনৰ মধুৰ উন্মেষ।

This is an original Assamese poem by poet Deepika Das.

Comments

Post a Comment

Popular posts from this blog

নীৰৱতাৰ প্ৰেম । Assamese poem by Deepika Das

বয়স যিমানেই বাঢ়ে আমি সিমানেই নীৰৱতাৰ প্ৰেমত পৰো। কোলাহলৰ ৰঙীন মেলা এদিন নিজেই এৰি আহো নিঃশব্দে। যৌৱনৰ সেই উচ্ছল হাঁহি আজিও মনত বাজে কেতিয়াবা, কিন্তু শব্দবোৰ এতিয়া মনতেহে সুৰ হৈ বাজে। বয়স বঢ়াৰ লগে লগে কথাবোৰো কমি আহে ধীৰে ধীৰে, হৃদয়ে বুজিবলৈ শিকে নীৰৱতাৰ গোপন ভাষা। এতিয়া নীৰৱতাই যেন মোৰ সঁচা সংগী, য’ত শব্দ নাথাকে কিন্তু অনুভৱবোৰ গভীৰ হৈ পৰে।
Read more

নাৰীৰ জ্যোতি। আন্তৰ্জাতিক নাৰী দিৱস উপলক্ষে।

মাতৃৰ মমতাৰে সজোৱা পৃথিৱীখন নাৰীৰ হাঁহিতেই পায় উজ্বল পোহৰ। কেতিয়াবা স্নেহময়ী আই কেতিয়াবা সাহসী যুঁজাৰু জীৱনৰ পথত সদায়ে  আগুৱাই যায় তেওঁ দুখৰ হেজাৰ জোৱাৰ আহিলেও নেহেৰুৱাই  আশাৰ জেউতি বুকুত সপোন লৈ অন্ধকাৰ ফালি পোহৰ বিচাৰে আলয় খনিৰ উষ্ণতা সমাজৰ শক্তি দুয়োটাৰে উৎস নাৰী তেওঁৰ হাততেই গঢ়ে ভৱিষ্যতৰ নতুন দিশ  সেয়েহে নাৰী কেৱল মানুহ নহয় তেওঁ জীৱনৰ সৃষ্টি-সুৰ, সংগ্ৰাম, মমতা আৰু শক্তিৰ এক অবিনাশী জ্যোতি। This is an original Assamese poem by Deepika Das 
Read more

বহাগৰ দৰেই তুমি। Assamese poem by Deepika Das

তোমাৰ বাবেই মোৰ উদং বুকুত এহেজাৰ ফুলৰ সুবাস তুমি আছা বাবেই ময়ো আছোঁ শূন্যতাৰ শেষ ৰাগিনীত মোৰ পজিসেউজীয়া মন গহনত ঘৰ সাজিলা নিৰৱে - গোপনে অজানিতে বহু সপোনে দোলা দি গ'ল হৃদয়ৰ বাকৰিত তুমি জেতুকাবুলীয়া বহাগ নে? সেউজবুলীয়া স্বপ্নৰ শাওন? তুমি সোণোৱালী আঘোণ নে উতলা ফাগুন? তোমাৰ বাবেই যে এই হৃদয় ইমান ব্যাকুল। This is an original Assamese poem written by Assamese poet Deepika Das.
Read more