অনামী চিন্তন - Assamese poem by Deepika Das

অনামী চিন্তন

নিয়ৰসিক্ত ৰজনীগন্ধাৰ কোমল চুপহি

তাতেই যেন নিবিৰ সংগোপনে

মধুৰ আলিংগন জনাই

জোনাকীৰ মিঠা মৃদু চুম্বন

জোনাকৰ সমীৰে দিয়ে অবুজ শিহৰণ..

কুসুমৰ সুকোমলতাত যেন

কাঁইটৰ বিষ

গহীন বাস্তৱৰ বুকুত

স্মৃতিৰ কান্দোন

অনামী চিন্তন মোৰ

জীয়া সপোনৰ স্পন্দন

বুকুৰ ভিতৰত শুনো

অশান্তিৰ কাতৰ ক্ৰন্দন

তৃপ্তি নাই শান্তি নাই

কেৱল অশান্তিৰ গধুৰ বোজা।

জীৱন সংগ্ৰামৰ ঢৌত

হস্তলেখা ফাগুন ৰঙা ইতিহাস

দুখৰ নদীৰ তৰংগায়িত হৃদয়ত যেন

জীৱনৰ মধুৰ উন্মেষ।

This is an original Assamese poem by poet Deepika Das.